「我們希望透過是次計劃,拓闊本地舞蹈家創作的思維及視野,推動他們創作具國際視野的原創作品,藉此提升本地舞蹈在國際舞台上的地位之餘,也期望將來位於演藝綜合劇場內的西九舞蹈中心(Dancehouse),可與其他地區的舞蹈機構達成合作計劃。」
— 西九表演藝術主管(舞蹈)陳頌瑛(Anna)

西九「國際創意交流──香港x芬蘭」計劃正式展開,未來3年,6名香港及芬蘭藝術家將會到訪香港、芬蘭兩地進行研究及交流,其中3位本地編舞及舞者徐奕婕、李思颺及盤彥燊(盤偉信)日前已經出發前往丹麥哥本哈根參與大型北歐舞蹈節「ICE HOT」,了解北歐國家的舞蹈及藝術發展,認識世界各地的藝術節目策劃人及主辦單位。

今次計劃由西九及Dance Info Finland、Zodiak – Centre for New Dance及Dance House Helsinki等伙伴機構合辦,期望藉此擴闊彼此的創作視野,並為日後的聯合創作鋪路;「國際創意交流──香港x芬蘭」為西九首個與外國舞蹈機構籌辦的合作計劃,稍後將與包括澳洲及英國等地簽訂其他合作協議,詳情容後公布。

香港編舞北歐交流點滴分享 No.1

西九「國際創意交流──香港x芬蘭」計劃早前正式開始,3位本地舞蹈家徐奕婕(Ivy)、李思颺(Justyne)同盤彥燊(Wayson)出發前往北歐交流,佢地先到丹麥哥本哈根參與舞蹈節「ICE HOT」,睇下世界各地節目,接觸各界創作人同製作人,節內行程非常緊密,日以繼夜睇Show、見人、傾嘢,唔同節目都為佢地帶有唔少衝擊,例如諗下眼前內容、形式,一旦放喺亞洲,觀眾有咩反應、輿論有咩迴響,以至係身體同題材之間嘅各種關係。

佢地之後就轉去芬蘭赫爾辛基,正式開始駐留生活,進駐當地大型文化藝術中心Cable Factory,住就由Helsinki International Artist Programme負責,日常認識交流,以至之後更進一步嘅創作排練,就會用Zodiak – Centre for New Dance入面嘅Studio;除咗留喺Studio,Ivy、Justyne同Wayson亦都把握機會周圍行下睇下,深入認識芬蘭呢個地方,例如佢地日前去咗郊區一間學校,了解交流計劃芬蘭Partner、編舞Sari Palmgren有份策劃嘅舞蹈同編舞項目,一邊睇下當地學生嘅Presentation,另外亦都同學生分享咗自己嘅創作。

話說學校位於郊區Huittinen,同首都赫爾辛基都有相當距離,來回需要至少6個鐘嘅車程,所以佢地3個當日一早就要起身,用短短5分鐘走入超市買完早餐就出發,雖然好早好趕,不過難得有機會去到郊區感受芬蘭嘅另一面,佢地都覺得程行好值得,特別係學校原來特設桑拿房,當佢地完成交流後,有機會可以一嘗芬蘭傳統桑拿浴嘅滋味;想知更多交流情況,敬請繼續密切留意。

IMG_1057
IMG_1144
IMG_1149
IMG_1152
IMG_1177
IMG_1218
IMG_1327
IMG_1417
IMG_1606